Tgau, jeu sun Gian Marco Bianchi
Interpreneur, mariu, bab, parlamentari d'Ilanz/Glion – e candidat per il Cussegl Grond dal Grischun. Jeu s`engascheschel per interpresas fermas, ina politica pragmatica ed ina administraziun digitala che gida la populaziun e las vischnauncas.
Jeu sun interpreneur, bab e parlamentari dalla vischnaunca d'Ilanz/Glion. Dapi il 2022 sun jeu activ ella politica communala – e vesel: las decisiuns las pli impurtontas per nossa regiun vegnan fatgas a Cuera. Per quei candideschel jeu per il Cussegl Grond.
Sco fundatur dalla Formation21 AG e president dal Coworking 7130 a Glion connectel jeu il mund digital cun la regiun. Jeu enconuschel las sfidas da nossas interpresas e famiglias – e vi purtar quella experientscha en il parlament cantunal.
Mes temas
Economia e cumerzi
La Surselva viva buc mo dil turissem. Jeu vi meglieras cundiziuns per interpresas pintgas e mesaunas, pli pauca birocrazia e proceduras pli efficientas.
Digitalisaziun
Internet spert, administraziun digitala e furmaziun moderna – la tecnologia sto gidar e buc cumplicar. Sco informaticher e docent sai jeu tgei ch'ei drova.
Qualitad da viver e famiglia
Mia dunna discuora romontsch, nies affon crescha si biling. Nus vivin conscientamein ella Surselva – e vi che giuvnas famiglias possian far il medem. Per quei drovi ina buna tgira d'affons, plazzas da lavur e vivaivladad en noss vitgs.
Finanzas
Sco commember dalla Cumissiun da finanzas d'Ilanz/Glion examineschel jeu mintga posiziun dil budget. Investiziuns claras – neginas muntognas da deivets per la proxima generaziun.
Il circul electoral: Ilanz
Il circul electoral d'Ilanz cumpeglia 6 vischnauncas e tscherna 6 representants en il Cussegl Grond:
- Falera
- Ilanz/Glion
- Laax
- Obersaxen Mundaun
- Sagogn
- Schluein
Elecziuns: 14 da zercladur 2026
Contact
Jeu selegrel sin Vossa damonda, proposta ni critica.
- E-Mail: hallo@gianmarcobianchi.ch
- Instagram: @gian_marco_bianchi
- LinkedIn: Gian Marco Bianchi